РЕСПУБЛИКАЛЫҚ БЮДЖЕТТІҢ АТҚАРЫЛУЫН БАҚЫЛАУ ЖӨНІНДЕГІ
ЕСЕП КОМИТЕТІ

Халықаралық қатынас - Есеп комитетінің халықаралық қызметі туралы жалпы ақпарат - ЕУРОСАИ

EUROSAI

Жеті өңірлік ұйым ИНТОСАИ-дың мақсаттарына жетуді қамтамасыз етеді, бұл ретте мүшелерге өздерінің өңірлеріне тән мәселелерге баса мән беруге мүмкіндік берілген. Осындай ұйымдардаң бірі 1990 жылы құрылған EUROSAI (http://www.eurosai.org/)– Еуропа жоғары қаржы бақылау (аудиті) органдарының ұйымы (бұдан әрі – ЖҚБО) болып табылады. 1990 жылы қарашада Мадрид қаласында EUROSAI-дың құрылтай кенференциясы және 1-ші Конгресі өтті. Онда бірінші Президент және Басқару комитеті сайланды, Ұйымның жарғысы талқылауға шығарылып бекітілді. Штаб-пәтерді және Бас хатшылықты Мадрид қаласында Испания Есеп палатасының ғимаратында орналастыру туралы шешім қабылданды. Қазіргі уақытта EUROSAI 50 ЖҚБО-ны (49 еуропалық ЖҚБО және Еуропалық аудиторлар соты) біріктіреді.
Есеп комитеті 2003 жылы қазанда EUROSAI-дың мүшесі болды. EUROSAI жарғысының 1-бабына сәйкес, ұйымның негізгі мақсаты - оның құрамына кіретін ұлттық ЖҚБО-лар арасындағы ынтымақтастықты дамытуға, сондай-ақ мемлекеттік қаржыны бақылау саласындағы ақпаратпен, құжаттармен және зерттеулермен алмасуға және қаржылық бақылау саласындағы терминологияны біріздендіруге жәрдемдесу.
Ұйымның ресми тілдері: ағылшын, испан, неміс, орыс және француз. EUROSAI-дың басқарушы органдары Конгресс, Басқару комитеті және Хатшылық болып табылады. Хатшылық Басқару комитетінің отырыстарын дайындайды және жүргізеді, ұйымның бюджетін әзірлейді және оның атқарылуын жүзеге асырады, сондай-ақ Конгресс және Басқару комитеті қабылдаған шешімдердің орындалуын қамтамасыз етеді. Хатшылық EUROSAI-дың жыл сайынғы журналын, сондай-ақ «EUROSAI Newsletter» тоқсан сайынғы бюллютенін басып шығарады, ұйымға мүше барлық ЖҚБО жарғыларының және жарияланымдарының деректер базасын қалыптастырады және жаңартады.
Конгресс – EUROSAI-дың жоғарғы органы болып табылады, ол үш жылда бір рет шақырылады. Конгресс кезінде EUROSAI-дың жұмыс органдары қызметінің нәтижелері қаралып, келесі үш жылға арналған жұмыс жоспарлары бекітіледі. Басқару комитеті толық құқылы сегіз мүшеден және бес бақылаушыдан тұрады. Қазіргі уақытта толық құқылы мүшелер: Бельгия, Испания, Нидерланды, Польша, Португалия, Түркия, Украина ЖҚБО-лары және Еуропа есеп палатасы, бақылаушылар – Аустрия, Ұлыбритания, Венгрия, Норвегия және Ресей ЖҚБО-лары.
Басқару комитетінің басты мақсаты – EUROSAI қызметін EUROSAI Конгресінің қабылданған шешімдеріне сай қамтамасыз ету.
2014 жылғы 30 мамыр – 2 маусымда Лиссабон қаласында (Португалия) өткен EUROSAI-дың VIII Конгресінде EUROSAI-дың 2011-2017 жылдарға арналған Стратегиялық жоспары бекітілді. Ұйымның алғашқы стратегиялық жоспарын әзірлеу EUROSAI-дың барлық мүшелерімен консультациялар жүргізе отырып, ашықтық және транспаренттік принциптері негізінде жүзеге асырылды. Жоспар EUROSAI мүшелерінің қажеттіліктері мен басымдықтарын көрсететін төрт стратегиялық мақсатқа негізделген:
1-мақсат: Әлеуеттілікті арттыру
2-мақсат: Кәсіби стандарттар
3-мақсат: Біліммен алмасу
4-мақсат: Басқару және байланыс.
EUROSAI-дың жұмыс және арнайы топтары:
Экологиялық аудит бойынша жұмыс тобы;
Ақпараттық технологиялар бойынша жұмыс тобы;
Апаттардың алдын алуға және зардаптарын жоюға бөлінетін қаражаттың аудиті бойынша арнайы топ;
Аудит сапасын бақылау саласындағы озық тәжірибе деректерінің электрондық базасын құруды және оған қызмет көрсетуді мониторингілеу комитеті;
«Аудит және этика» арнайы тобы.
EUROSAI шеңберінде Есеп комитеті Экологиялық аудит бойынша жұмыс тобының, сондай-ақ Апаттардың алдын алуға және зардаптарын жоюға бөлінетін қаражаттың аудиті бойынша арнайы топтың мүшесі болып табылады.

 

ҚР Президентінің Қазақстан халқына Жолдаулары
ҚР Президентінің Қазақстан
халқына Жолдаулары

Төрағаның Блогi
Нұрмұхамбет Қанапияұлы Әбдібеков
Есеп комитетінің Төрағасы

8 (7172) 70 69 86 - Баспасөз хатшысы

8 (7172) 70 70 62 - Кеңсе

8 (7172) 70 70 21 - Сенім телефоны

   Жаңалықтарды тарату